Zijapo Mali.

Kuna nini wanadamu, siwaelewi kabisa,
Mwachosha nitoa hamu, akilini mwanitesa,
Vurugo vyenu vya sumu, kila siku ni mikasa,
Kwa nini zijapo mali, hamkosi ya kusema.

Hamjui Mungu yupo, mpaji wa kila kitu,
Zake sizo za mikopo, apeana kila mtu,
Kwenye shida yeye yupo, Jalali mjawa utu,
Kwa nini zijapo mali, hamkosi ya kusema.

Nikiwa fukara pia, mara nawaomba sana,
Nashindwa kuvumilia, nguvu na uwezo sina,
Maneno mnonambia, ya chuki na kugombana,
Kwa nini zijapo mali, hamkosi ya kusema.

Hali ile ile ile, ndiyo hasa mnapenda,
Wengine wakose yale, wakwame wanakoenda,
Wasifuzu vilevile, maisha ije waponda,
Kwa nini zijapo mali, hamkosi ya kusema.

Wengine wakimiliki, wamilikaji halali,
Wengine hawana haki, wapatapo si halali,
Wapachikwa jina feki, mambo yasiwe sahali,
Kwa nini zijapo mali, hamkosi ya kusema.

(Malenga ni Toney Francis Ondelo)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s