Jicho punguza upeo.

Kuona ni kazi yako , ila sasa waniponza
Vitu vikipita kwako , moyoni vyaniumiza
Punguza makali yako , vyengine wewe puuza
Jicho punguza upeo , moyo uweze tulia

Japo hauna pazia , mlango wako we funga
Watu wakikubishia , tena jaribu kuringa
Tena wakikuchachia , wapuuze na kusonga
Jicho punguza upeo , moyo uweze tulia

Watesa sana ulimi , kusema usoyataka
Ukiona kijimami , ulimi unakisuka
Ila ukigonga lami , moyo una taabika
Jicho punguza upeo , moyo uweze tulia

Unaitesa akili , huko kwako kupepesa
Mengine ya idhilali , ambayo moyo hugusa
Na wajiona fahali , jicho acha kunitesa
Jicho punguza upeo , moyo uweze tulia

Si vyote vinovutia , ladha yake huwa nzuri
We baki kuangalia , usitamani safari
Mana vikikufikia , hutoimudu bahari
Jicho punguza upeo , moyo uweze tulia

(MTUNZI:HANAFI MWINYIATANI)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s