DZINA RACHIDIGO

Midzi chenda sikirani, gano gangu nigombago.
Ganilumiza chitswani, richa kala Ni chidogo.
Gana siri ya undani, gananipeketsa Figo.
asili mi mraphai, ela dzina rachidigo .

Raphai kwehu nyumbani, phephi na kwano Chidago.
CHIPURU be natsekwani, kwani dzikala chijego.
Rero Sena nambirani, mwi Malenga achidigo
asili mi mraphai, ela dzina rachidigo.

Malenga enza senani, nambirani ta chidogo.
Nipate kuka dzizani, nisikale dza mfugo.
Mabao funga shirini, kwa mchezo wa chigogo.
asili mi mraphai, ela dzina rachidigo.

Adigo be nambireni, gaga mambo si chidogo.
Kala ni wenu senani, munifundishe udigo.
Mchikala mumakini, muniloze na mdigo.
asili mi mraphai, ela dzina rachidigo.

Sifikiri mi muhuni, dzikwika kama chipago.
Ujeri wangu senani, CHIPURU ni rachidigo.
Dzina ra kwangu senani, hunipha moyo mpigo.
asili mi mraphai, ela dzina rachidigo.

Adigo rero gombani, munalike kwenu Digo.
Nindabaki majibuni, mana muda ni chidogo.
Zidze beti na mizani, kwa malenga achidigo.
asili mi mraphai, ela dzina rachi

(MTUNZI:Said Mruu)