Natamani.

NATAMANI
Walaiti ningakuwa, ja Stefano nipigwe
Mauti kunichukuwa, mie mfano niigwe
Kumbukumbu itakuwa, wasomaji msizugwe
Natamani ningakufa, ja wengine nikumbukwe

Nami niwe vitabuni, wanisome wasomao
Makala magazetini, wachapishe wawezao
Redio na runingani, watangaze wawezao
Natamani ningakufa, ja wengine nikumbukwe

Mitandao itingike, tungo zangu zimwagike
Wafikao nawafike, matozi yawamwaike
Na picha wazitundike, wengine wasikitike
Natamani ningakufa, ja wengine nikumbukwe

Nawaza kuwa waridi, niandikayo yapendwe
Wengine wasinirudi, kunichukia washindwe
Niwe mti wa baridi,popote pale nipandwe
Natamani ningakufa, ja wengine nikumbukwe

Nivikwe sifa sufufu, na wakubwa kwa wadogo
Wengi waje kunishufu, watambue mie mbogo
Wayasahau machafu, mwanya usiwe mdogo
Natamani ningakufa, ja wengine nikumbukwe

Wanikumbuke dahari, kizazi hadi kizazi
Kwingine niwe fahari, maishani niwe kwezi
Maneno yenye uturi, yani kama mtetezi
Natamani ningakufa, ja wengine nikumbukwe

Wakilisoma shairi, watamani kuniona
Maneno yangu mazuri, yasijeng’olewa shina
Wanisifu kwa uzuri, japo mie sipo tena
Natamani ningakufa, ja wengine nikumbukwe

Vyuoni hata shuleni, wanafunzi watahini
Wote wawe furahani, wakisoma zangu fani
Niwe mja wa thamani, nitambuke duniani
Natamani ningakufa, ja wengine nikumbukwe.

(Malenga ni Daniel Wambua)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s