Kwaheri Maradona.

KWAHERI DIEGO MARADONA
Wanasoka wanalia, huzuni umewafika
Zimewabana hisia, Maradona katoweka
Nyoyoni wanaumia, machozi yabubujika
Nenda vyema Maradona, daima utakumbukwa

Pengo lako kubwa mno, halizibiki daima
Uliyafanya manono, machache nitayasema
Hata japo kwa sonono, nitajikaza mtima
Nenda vyema Maradona, daima utakumbukwa

Twakumbuka pale Boka, hadi kule Barcelona
Nyavu zilivyotukuka, wenye macho waliona
Kiungo ulisifika, kwa soka Argentina
Nenda vyema Maradona, daima utakumbukwa

Ulivyofunga magoli, ilikujuwa dunia
Ulipofika Napoli, mabeki waliumia
Sevilla hadi Newelli, nani angekuzuia
Nenda vyema Maradona, daima utakumbukwa

Lile la mkono goli, wakauita wa mungu
Ukaitwaa medali, tena bila wanguwangu
Wakakuita fahali, sifa ziso na majungu
Nenda vyema Maradona, daima utakumbukwa

Zile zako rembaremba, kwalo guu la kushoto
Themanini ulitamba, hivi leo ni mapito
Kikosi kilijigamba, walijuwa wana moto
Nenda vyema Maradona, daima utakumbukwa

Lolote lenye na mwanzo, nao mwisho halikosi
Moyo wako ndio chanzo, poleni akina Messi
Alokuwa kama nyenzo, ugani yule farisi
Kalale mahala pema, Diego De Maradona.

(Malenga ni Daniel Wambua)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s