Bado Ninakusubiri.

BADO NINAKUSUBIRI

‘Lipoenda Somalia, sasa mwaka umekwisha
Pete bado ‘mevalia, huku ‘kinipa motisha
Bado nakusubiria, kwa wingi wa tumaini

Macho ‘lilitumbulia, ndege yenu ‘lipopaa
Majonzi ‘linivamia, ‘kahisi nami kupaa
Bado nakusubiria, nimo kwenye anga tua

Simu ‘naponipigia, hunilenga machozii
Woga hunikumbatia, nihisipo risasii
Bado nakusubiria, wangu wa dhati mpenzi

Ulivyonisimulia, nakumbuka kama jana
Chozi hunitangulia, kupanguza nang’ang’ana
Bado nakusubiria, weye wangu mahabubu

Shaka huniparamia, nionapo runingani
Alshabab wameshambulia, majeshi yetu kambini
Bado nakusubiria, machweo hadi macheo

Penzi ‘melikumbatia, tangu ulipoondoka
Nami nalipigania, lisije kutuponyoka
Bado nakusubiria, sina budi mahabubu

Nami ‘takusimulia, upweke ‘livyonikaba
Pia ukizingatia, sina mama wala baba
Bado nakusubiria, hadi mwisho wa dahari

(Ustaadh Momanyi)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s